ثانوية عامة vs بترول السويس
ثانوية عامة vs بترول السويس

ثانوية عامة VS بترول السويس

ثانوية عامة VS بترول السويس

الأمير حسني
م/ الأمير حسني

خد المسلمة دي ولا تناقش او تجادل فيها (الميكانيكا هي جوكر الهندسة)
ان كانت جاية لك منحة في اي جامعة اجنبية هنا في مصر روحها وامسك فيها بكل ما اوتيت من قوة ان كنت تقدر تحصل على منحة برا مصر وتدرس اي تخصص سافر من غير تفكير وتغلب ع الظروف الوهيمة اللي بتحطها لنفسك
هتكلم عن قسم هندسة البترول في كلية هندسة بترول السويس
مبدئيا دي اقسام الكلية (التقسيم تصاعديا ع حسب التقدير المطلوب لدخول القسم بعد اعدادي)
1- هندسة المناجم (دول نادرا اما يلاقوا شغل في تخصصهم بعد عمر طويل)
2- هندسة جولوجية وجيوفيزياء (بيشتغلوا في البترول وفي مجال المقاولات والتعدين قسم نضيف بس مش واخد وضعه)
3- هندسة علوم المواد (فلزات) (اكتر قسم بيلاقي شغل بعد التخرج في كل حتة وكل مكان بتلاقي الناس بتاعت القسم دا وهم في الاساس مهندسين ميكانيكا بس متخصصين في خواص المواد)
4- هندسة التكرير والبتروكيما (شغلهم معامل التكرير ومصانع البتروكيميا ومصانع الكيماويات والدهانات والزيوت ومعالجة المية بينافسهم في الشغل هندسة كيميائية وعلوم كيميا)
5- هندسة البترول (قسمين نفس المواد والتخصص واعضاء هيئة التدريس واحد بمصورفات والتاني بمصورفات بس اكتر تقريبا 5000 ف الترم )
——————————–
ثانوية عامة vs بترول السويس

انت هتتخرج ينفع تشتغل
Drilling engineer (company man)- reservoir engineer-production engineer- petroleum
technologist-completion, DD, MWD/LWD, mud engineer……..
الشغل بعد التخرج ممكن يجي بعد التخرج ع طول وممكن بعد شهر 2 او 3 او سنة او 2 او 3 او ما يجيش دا رزق واقدار
الشغل بيكون في شركات الخدمات البترولية او الشركات الاجنبية او الحكومية المالكة
شركات الخدمات ودي بينافسك فيها كل الشعب المصري من اول خريج الاعدادية اللي بيفتح شكاير طفلة لحد خريجين الطب والصيدلة والاسنان واداب وتجارة وباقي الهندسات طبعا
هي المتاحة بصورة اكبر نظرا للاحتياج فيها لعدد اكبر من الناس مش كل الشركات حلوة ومش كل الشركات وحشة افضل الشركات شلمبرجير وهاليبرتون وبيكر هيوز وويزرفورد و جينيرال اليكتريك ………
شركات الخدمات المصرية ودي بتكون فلوسها اقل من الاجنبية بتدخل انك بتقدم فيها باي طريقة متاحة او توصية من حد
الشركات المالكة والشريك الاجنبي ودي اللي بتشتغل فيها ف صميم تخصصك الشركات الاجنبية زي
BP, ENI, Apache Shell…..
صعب انك تدخلها وانت حديث التخرج لكنه متاح
والشركات الحكومية جابكو وبتروبل وعجيبة وبدرالدين …………. بتدخل عن طريق امتحان مركزي بيتعمل كل فترة او انك تكون من اول 20 واحد ع كليتك او بالتعريص
شركات مقاول الحفر ودي اللي بتشتغل فيها عامل على بريمة حفر (EDC, ECDC,Sinotharwa ,Shelf,ADES
ودا شغلك فيها بيكون عامل حافر بتبدأ من روست ابوت فلور مان ديريك مساعد حفار وحفار وتول بوشر لحدما توصل ف الادارة
مرتبات شركات الخدمات الاجنبية خلينا نقوله اكتر من 5000
شركات الخدمات المصرية انا اعرف شركات بتدي 600 جنيه ف الشهر لكن ف الغالب بتبدي من 1500:4000 في البداية
الشركات الاونر بتبتدي في المتوسط من 3500:4500
ما عدا العامة وبرج العرب اقل من كدا
ولائحة مرتبات القطاع ما اتغيرتش من 2008
الدراسة في قسم هندسة البترول سهلة ومش ثرية قوي
التدريب الصيفي في الشركات سهلة تجيبه بمعرفة والكلية هتوفرلك تدريب مرة واحدة ف سنة تالتة
مش هتلاقي بشمهندس عمر سعد او بشمهندس توفيق وبشمهندس شادي ودول اللي كانوا شايلين القسم
مكتبة سوسكا هتوفرلك كل الاوراق اللي هتحتاجها اللي هي مكررة من زمان
السكن بيكون ف مدينة جامعية في منقطة اسمها احد الحياة مش وحشة ومش ممتعة ومفيش خصوصيات بالشكل اللي انت عاوزه واعرف صاحبك وعلم عليه وصاحب سوايسة
——————————————-
لو انت حابب هندسة البترول فهو مجال كويس جدا وبيتيح ليك السفر برا لاماكن كتير وان تميزت فيه هتكون في مكانة كويسة ماديا وتيكنيكال الشغل بيعتمد على كفاءة الشخص اكتر وازاي تهندل امورك والمشاكل اللي ممكن تقابلها
ان كان متاح لك الاختيار فاختار هندسة القاهرة ومنها ادخل قسم بترول العام او القسم اللي بمصروفات الاتنين واحد مفيش فرق هندسة القاهرة في الوقت الحالي افضل بكتير من هندسة بترول السويس قسسم هندسة البترول العام والمميز(مدفوع المصروفات)
لو دخلت السويس ادخل حفر او مميز او فلزات او تكرير لو حابب تشتغل تكرير او معالجة ف شركات البترول او حول جامعة تاني وادخل اي قسم انت عاوزه
في السويس انضم ل SPE واندمج فيهم هتستفيد واحضر معظم الايفينتات بتاعت كل الشباتر اللي هتكون مناسبة ليك واهتم جدا بالانجليزي
اختيار هندسة البترول جيد ولكنه ليس الافضل نظرا لحالة سوق العمل السيئة بسبب الازمات المتكررة اللي بتحصل في مجال البترول عالميا او حتى ظروف السوق المصري الواسطة والمحسوبية قلت الفترة اللي فاتت بسبب ان الفرص قليلة ومعظم الشركات عاوز تطير ناس منها فكل واحد خاف على مكانه
في السنين الاخيرة السوق والصناعات تطورت والسوق مش بالشكل القديم, فيه صناعات ذات اسم كبير هي الرائدة او هي ذات العائد الاكبر وامان وظيفي اكتر زي البرمجة والانظمة المدمجة وكل الشغل المرتبط بالكمبيوتر ساينس والتكنولوجيا والتجارة طبعا
في النهاية الاختيار ليك
لا تقيس السوق بالظروف الحالية انت لسه قدامك 5 سنين
دلوقتي معظم الدفعات من بعد 2012 مش شغالة ف المجال وانا 2012 مش شغال بس احنا ف ظروفبلد سيئة وازمة اسعار لعل الله يحدث بعد ذلك امرا خيرا او شر يعني ممكن تتعدل وممكن تتنيل اكتر
افضل الاختيارات انك تحاول تاخد منحة برا وتسافر ومتخافش من الموضوع انت هتلاقي نفسك ف مصر بتصرف قد اللي ممكن تصرفه لو سافرت ع حساب منحة برا مصر
الجامعة الامريكية من افضل الخيارات في مصر لو معاك فلوس.

ثانوية عامة vs بترول السويس ….

شاهد أيضاً

الجيولوجي المفترى عليه

الجيولوجي المفترى عليه !

الجيولوجي المفترى عليه هناك حساسية دائمة ومستمرة بين الجيولوجي ومهندس البترول و التعدين من طرف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *